वीरगञ्ज, ३१ बैशाख । वीरगञ्ज महानगरपालिकाको मतगणनास्थल परिसरमा नाराबाजी भइरहेको छ ।

नेकपा एमालेका नेता कार्यकर्ता एवम् एमालेका उम्मेदवार बिजय कुमार सरावगीका समर्थक एवम् जनता समाजवादी पार्टी (जसपा) का नेता कार्यकर्ताहरुले नाराबाजी गरीरहेका छन् ।

जसपाको तर्फबाट प्रतिनीधिको रुपमा पर्सा क्षेत्र नम्बर १ का प्रतिनीधि सभा सदस्य एवम् जसपाका केन्द्रिय सदस्य प्रदीप यादव मतगणनास्थलभित्र प्रवेश गरेपछि एमालेका कार्यकर्ताले नाराबाजी शुरु गरेका हुन् ।

नाराबाजीका क्रममा उनीहरुले सांसद यादवलाई बाहिर बोलाउनुपर्ने माग गरेका हुन् । एमाले समर्थकले जसपाका राजेशमान सिंहको विरुद्धमा र जसपाका समर्थकले बिजय कुमार सरावगीको विरुद्धमा नाराबाजी गरीरहेका छन् ।