काठमाडौं । कैलालीको गोदावरी नगरपालिका–२ मा मोटरसाइकलको ठक्करबाट एक महिलाको मृत्यु भएको छ । मृत्यु हुनेमा कैलालीकै धनगढी उपमहानगरपालिका–१३ की ५५ वर्षीया ईसरादेवी धामी रहेकी छन् ।

मोटरसाइकलको ठक्करबाट घाइते भएकी उनको सेती प्रादेशिक अस्पताल धगनढीमा उपचारको क्रममा मृत्यु भएको प्रहरीले जानकारी दिएको छ ।

नम्बर नखुलेको मोटरसाइकलले पैदलयात्री धामीलाई बुधबार बेलुकी ठक्कर दिएको  थियो । मोटरसाइकलसहित फरार रहेका चालकको खोजी भइरहेको इलाका प्रहरी कार्यालय मालाखेती कैलालीले जनाएको छ ।