रौतहट । रौतहट गौर नगरपालिका पुरेनवा स्थित नेपाली सेनाको वीरदल गणले एक सामुदायिक विद्यालयका विपन्न विद्यार्थीलाई शैक्षिक सामग्री सहयोग गरेको छ । मध्यपुर्बी पृतना हेडक्वाटरको निर्देशन र नम्बर २८ वाहिनी जङ्गी अड्डाको पहलमा वीर दल गणले उक्त शैक्षिक सामग्री सहयोग गरेको हो।
शिक्षाको स्तर उत्थान गर्ने उद्देश्यले वन युनिट ‘वन स्कुल स्पोर्ट’ योजनाको अवधारणा बमोजिम सैनिक नागरिक सम्बन्धलाई उच्च प्राथमिकतामा राखेर भौतिक रूपले जीर्ण स्रोतसाधनको कमी रहेका सरकारी विद्यालयलाई सहयोग उपलब्ध गराइएको गणपति विष्टले जानकारी दिए।