डेंगी संक्रमितको संख्या १० हजार नाघ्यो

  • कालिका खवर
  • बिहिबार, साउन २५, २०८०
  • काठमाडौं । नेपालमा यो वर्ष डेंगी संक्रमितको संख्या १० हजार नाघेको छ । इपिडिमियोलोजी तथा रोग नियन्त्रण महाशाखा (ईडीसीडी)को तथ्यांकानुसार जनवरीयता अगस्ट ९ सम्म १० हजार ७२६ जनामा संक्रमण पुष्टि भएको छ ।

    संक्रमितमध्ये सबैभन्दा बढी सुनसरीका ६ हजार ४१ जना छन् । मोरङमा एक हजार ३४४ र धादिङमा एक हजार २७ जनामा संक्रमण पुष्टि भएको छ ।
    यस्तै, कास्की, धनकुटा, झापा, संखुवासभा, तनहुँ, दार्चुला र काठमाडौं गरी १० जिल्लामा नौ हजार ६१२ जना संक्रमण देखिएको छ ।

    यो अवधिमा काठमाडौं उपत्यकाका तीन जिल्लामा २५१ जनामा संक्रमण पुष्टि भएको छ ।अघिल्लो वर्षमा संक्रमण नदेखिएका धेरै जिल्लाहरू अहिले प्रभावित भइरहेको महाशाखाका किटजन्य रोग शाखा प्रमुख डा. गोकर्ण दाहालले बताए ।डेंगी संक्रमणका कारण यो अवधिमा आठजनाको मृत्यु भएको महाशाखाको तथ्यांक छ ।

    प्रतिक्रिया दिनुहोस

    सम्बन्धित समाचार

    ताजा अपडेट

    © 2024 kalikakhabar.com All right reserved Site By : KOsYs