बलिउड निर्देशक अनुराग कश्यप आफ्नो खुलापनको कारण चर्चामा रहन्छन् । उनले दिने अभिव्यक्ति प्रायः हेडलाइन बन्छन् । यतिबेला उनी नयाँ स्टेटमेन्टले चर्चामा छन् ।
भारतीय फिल्म उद्योगमा आउने नयाँ कलाकार लक्षित उनको अभिव्यक्ति चर्चामा छ । नयाँ कलाकार बन्ने आउनेलाई अब आफूले सित्तैंमा भेटेर समय बर्बाद नगर्ने उनको भनाइ छ ।
सामाजिक सञ्जाल इन्स्टाग्राममा सेयर गरेको पोस्टमा लेखिएको छ, ‘नयाँ आउने धेरैलाई मैले मद्दत गरेको छु । यतिबेला म थकित छु । आफूलाई महान् व्यक्ति भन्ने कसैलाई पनि भेटेर समय खेर फाल्ने छैन । अब पैसा लिन्छु । कसैले मलाई भेट्न चाहन्छ भने १०-१५ मिनेटको एक लाख रुपैयाँ लिन्छु ।’