मुगुको रारा तालसम्म पुग्ने नाग्म–गमगडी सडक स्तरोन्नति गर्न १५ दिनसम्म बन्द हुने भएको छ । सडक डिभिजन कार्यालय जुम्लाले सार्वजनिक गरेको सूचना अनुसार आज असार ९ गतेदेखी २३ गतेसम्म बिहान ५ साढे ५ बजेदेखि बिहान १० बजे र दिउँसो १ देखि ४ बजेसम्म सडक बन्द हुनेछ ।

निर्माणाधीन नाग्म–गमगडी सडकखण्डको कनका सुन्दरी गाउँपालिकाको हाँटसिंजा क्षेत्रको सडक चौडा गर्नुपर्ने भएकाले गाडी बन्द गर्नु परेको सडक डिभिजन कार्यालयका प्रमुख चेतनारायण मण्डलले बताउनुभयो । गाडी बन्द हुँदा रारा पुग्ने पर्यटकका साथै मुगु आवतजावत गर्ने यात्रुलाई सास्ती हुने भएको छ ।

नाग्म–गमगडी सडकको पहिलो चरणमा छ किलोमीटर सडक कालोपत्र भएको छ । चरणबद्ध रूपमा बाँकी सडकलाई कालोपत्र गरिने सडक डिभिजन कार्यालयले जनाएको छ ।