केही दिनयता च्याउको भाउ बढेको छ । कालीमाटी फलफूल तथा तरकारी बजार विकास समितिका अनुसार एक सातामा कन्य च्याउको भाउ ५० र डल्ले च्याउको भाउ १० प्रतिशत बढेको छ ।

बिहीबार कालीमाटी बजारमा कन्य च्याउको भाउ अधिकतम प्रतिकिलो १५०, डल्ले च्याउको ३२० रुपैयाँ छ । तने बोडीको भाउ अधिकतम प्रतिकिलो ५०, लौका ५०, परवर ४०, भिण्डी ७०, घिरौंला ६०, तिते करेला ५०, घिउ सिमी ७०, लाम्चो भन्टा ३५ रुपैयाँ प्रतिकिलोमा कारोबार भएको समितिले जनाएको छ ।

त्यस्तै स्थानीय काउलीको ९०, नेपाली ठूलो गोलभेडाको ८०, सानो गोलभेडा ३०, रातो आलु ६२, भारतीय रातो आलु ५६ रुपैयाँ प्रतिकिलोमा कारोबार भएको छ ।