समाज
ad
भारतले धौलीगङ्गा बाँध खोल्न लागेकाले महाकाली नदी किनारमा सतर्कता अपनाउन आग्रह
असार २९, २०८१ शनिबार ६:२:४९ | उज्यालो सहकर्मी
FacebookTwitterViberEmailPrintFriendlyShare
unn.prixa.net
फाइल तस्बिर
काठमाण्डौ – भारतको उत्तराखण्ड प्रान्तको पिथौरागढ जिल्लामा रहेको धौलीगङ्गा जलविद्युत् परियोजनाको बाँध खोलिँदैछ। लिफ्ट सफाइको लागि अहिले बिहान ६ बजेदेखि भोलिसम्म बाँध खोल्न लागेको जानकारी भारतीय पक्षले गराएको जिल्ला प्रशासन कार्यालय दार्चुलाले जनाएको छ ।

बाँध खोलेका बेला र खोलिएको केही घण्टापछिसम्म महाकाली नदीको जलस्तर बढ्ने भएकाले सतर्कता अपनाउन प्रशासनले आग्रह गरेको छ । लगातारको वर्षा र बाँध खोलिएपछि महाकाली नदीमा जलस्तर बढ्ने खतरा भएकाले सावधानी अपनाउन भनिएको हो ।

दार्चुलादेखि बैतडी, डडेल्धुरा, कञ्चनपुर भएर भारततिर बग्ने महाकालीमा पानीको बहाव र सतह बढ्न सक्ने भएका कारण नदी छेउछाउमा नजान र सतर्कता अपनाउन स्थानीय प्रशासनले अनुरोध गरेको हो । धौलीगङ्गा जलविद्युत परियोजनाको बाँध वर्षातको बेला खोल्ने गरिएको छ ।