काठमाडौँ । त्रिभुवन विश्वविद्यालयले सह–परीक्षा नियन्त्रकका लागि आवेदन माग गरेको छ । परीक्षा नियन्त्रण कार्यालय बल्खु र यसअन्तर्गत रहेका क्षेत्रीय परीक्षा नियन्त्रण कार्यालयहरूमा ६ जना सह–परीक्षा नियन्त्रकका लागि आवेदन माग गरेको हो ।

परीक्षा नियन्त्रण कार्यालय, बल्खुका लागि २ जना, क्षेत्रीय परीक्षा नियन्त्रण कार्यालयहरू विराटनगर, पोखरा, नेपालगञ्ज र मधेश प्रदेशमा ११ जना गरी ६ जनाका लागि आवेदन माग गरेको हो । त्रिभुवन विश्वविद्यालय रजिष्ट्रारको कार्यालय सहपरिक्षा नियन्त्रक छनौट समितिले एक सूचजा जारी गर्दै सात दिनभित्रमा आवेदन दिन भनेको हो ।

परीक्षा नियन्त्रण कार्यालय सम्बन्धी विनियम २०७३ परिच्छेद २ को ३ (२) साथै त्रिभुवन विश्वविद्यालय सावधिक पदमा नियुक्तिका आधार र मापदण्डसम्बन्धी विनियम, २०८१ को परिच्छेद १६ मा उल्लेख भए बमोजिम सह परीक्षा नियन्त्रक पदमा योग्य उम्मेदवारलाई आवेदन दिन आह्वान गरेको हो । आवेदन दिँदा विनियमको ३२ को (२) मा उल्लेखित आवश्यक कागजातका साथै आशयपत्र समेत पेश गर्नुपर्ने छ ।