→ स्कुले जीवनदेखि नै मैले नेकपा एमाले गरिबदुखि उत्पीडनमा परेकाको पक्षमा बोलेको , लागेको देख्दै आए ।  र मलाई त्यसैले तान्दै तान्दै लग्यो । घरमा पनि मेरो बा राजनीति मै हुनुहुन्थ्यो ।  बाजुराको उपल्लो भेगको पाण्डुसैन गाविसको संस्थापक एमाले हुनुहुन्थ्यो ।  पछि म बिस्तारै ठुलो हुँदै गए र बुबाको राजनीति बाट प्रभावित हुँदै म एमाले नजिकै रहे ।  पछि क्याम्पस जीवनमा पनि अनेरास्ववियु नै ठिक लाग्दै गयो । तसर्थ म एमाले र यसको विद्यार्थी संगठन अनेरास्ववियु संग नजिकिदै यसमै आवद्ध भए ।

 → यो कसरी भने म संगठनमा लाग्दा संगैका साथीहरु अहिले जिल्ला कमिटि , प्रदेश  कमिटिका साथीहरु उतैतिर केन्द्रित , भूगोल मै केन्द्रित हुनुभो , म लामो समय अखिलकै केन्द्रिय उत्पीडित विद्यार्थी समन्वय कमिटिमा सक्रीय थिए , काठमाडौँलाई केन्द्रविन्दु बनाएर संगठनको काममा दौडीहाल्ने , प्रचार प्रसार गर्ने , संगठनको केन्द्रीय आन्दोलनमा दत्तचित्त भएर लाग्ने गरे ।  हाम्रो संगठनमा कामको उचित मुल्यांकन हुन्छ तसर्थ पनि म परे ।  म उमेरमा सानो भए पनि जिम्मेवारी बहन गरेको हिसाबले अरु कमिटिका साथि बराबरनै भएर नेतृत्वले विश्वास गरेको होला । तपाइले भने जस्तै २५ वर्षमै  यति ठुलो संगठनको केन्द्रिय सदस्य हुनुमा मैले पनि गर्व महसुस गरेको छु ।

 → यो नयाँ दलहरुले ल्याएको षड्यन्त्र हो , अबुझपना हो । उनीहरु टुप्पा बाट पलाएकोले जमिनका समस्या , विद्यार्थीका समस्या , चासो उनीहरुलाई थाहा हुँदैन ।  न्युनतम पनि एउटा विद्यार्थीले ७ – ८ वर्ष क्याम्पसमा  बिताउँछ ।  एउटा क्याम्पसमा देशका विभिन्न ठाउँबाट आएका हुन्छन जसले नयाँ ठाउँमा ,  नयाँ क्याम्पसमा अफ्ठेरो समस्या भोग्छन । विद्यार्थी संगठनले तिनैको सामान्य समस्याहरुमा सहयोग गर्दछ ।  विद्यार्थी संगठन मुलत शैक्षिक मुद्दा मै केन्द्रित भएको छ तर समयको पदचाप अनुसार संगठनले उठाउने मुद्दा राष्ट्रिय इस्यु बनिदिन्छ , राष्ट्रिय महत्वको विषय हुन जान्छ ।  होलान केहि समस्या होलान विद्यार्थी संगठन भित्र । त्यसलाई क्रमिक रुपमा सुधार्दै लैजानु पर्छ ।   विद्यार्थी संगठन नहुदो हो त तपाइले +२ पनि तेती सस्तोमा पढ्न पाउनु हुन्नथ्यो । अनेरास्ववियु कमजोर हुँदा मात्रै पनि यहाँ ठुलो शैक्षिक अराजकता देखा पर्छ ।

 → मेरो आखाँले हेर्दा विद्यार्थी राजनीति कमजोर भएको जस्तो लाग्दैन ।  अरुको थाहा हुने कुरा भएन हेर्नुस ।  तर जहाँ सम्म हाम्रो अखिल छ त्यसले चाहि निरन्तर शैक्षिक मुद्दा उठाइरहेको छ ।  हाम्रै पहल टियुको अहिलेको भिसी खुला प्रतिष्पर्धा बाट आउनु भयो जुन राम्रो सुरुवात भएको छ ।  नेपालमै पहिलो पटक विद्यार्थी महोत्सव गर्यौं ।  हेरीहाल्नु भयो हिजो र अस्तिको पानीले पारेको असरको बीचमा पनि टियुले परिक्षा गर्दै थ्यो , तर देशभर विद्यार्थी विपदमा परेकोले हाम्रो सक्रियतामा परिक्षा पर सार्न आग्रह गर्यौं र सर्यो पनि ।  अहिले संसदमा प्रस्तुत शिक्षा विधेयकमा पनि हाम्रा केहि सुझावहरु परेका छन् ।  हाम्रो मुद्दा हाम्रो एजेन्डामा सहमत हुने दल संग हाम्रो राम्रो सम्बन्ध त हुने नै भयो  तर हामी मुलत हामी विद्यार्थी राजनीति मै छौं । हाम्रो मुद्दा दलले बोकेको हो ।  दलको मुद्दा हामीले बोकेका छैनौ ।

 → हाम्रो प्रमुख एजेन्डा त विद्यार्थीको हितमा शैक्षिक क्रीयाकलप नै हो ।  अलि बिस्तारमा भन्दा हाम्रै पहलमा टियुले एकेडेमिक क्यालेन्डर बनाएर पालना गरेको छ ।  त्यो अवरुद्ध नहोस भन्नका लागि निरन्तर खबरदारी गरेका छौं।  टियुलाई प्रबुद्ध वर्गको ट्रस्ट अन्तर्गत चलाउनु पर्छ भनेर बहस उठाईराखेका छौं ।   विद्यार्थीको पढाइ महँगो हुँदै गएकोले कलेजका फी नबढाउन खबरदारी र आन्दोलन पनि गरि राखेका छौं ।  अहिले शिक्षा रोजगारीमुलक होस् भनेर आवाज उठाईरहेको छौं ।  टियुको र अन्य विश्वविद्यालयको पनि कोर्स प्रतेक ५-५ वर्षमा चेन्ज हुनु पर्छ भनेर भनेका छौं ।  पढाइ र कमाइलाइ संगै जोडेर लैजान नीति बनाउन सम्बन्धि ठाउँमा पहल गरिराखेका छौं । अहिले तत्काल चाही हामी राष्ट्रिय विपद आएकोले नजिकका ठाउँमा सक्ने स्तरमा उद्दारकार्यमा संगठनको निर्देशन अनुसार परिचालित छौं ।

→ मेरो व्यक्तिगत योजना भन्दा पनि संगठनकै हितका लागि सोच्ने मान्छे हो म ।  अधिवेसनमा नयाँ विचार नयाँ नेतृत्वको छलफल त हुने नै भयो तर म चाहि शिक्षा क्षेत्रमा आमुल परिवर्तन हुनु पर्छ भन्नेमा छु ।  त्यसका लागि म अहिले देखि नै साथि सर्कलसंग बसेर छलफलमा छु ।  २४ औं अधिवेसनमा केहि नयाँ कुरा देख्नु भयो भने त्यो मेरो एजेन्डा हुनेछन ।  जेन जी  ( जेनेरेसन जेड : सन् १९९०-२०१० सम्म जन्मेको पुस्ता ) पुस्ता पढाइ भन्दा पनि अन्त अन्त लागेको छ , जेन जी पुस्तालाई पढाइमा , कलेजमा , विश्वविद्यालयमा फर्काउने मेरो मुख्य एजेन्डा हुनेछ  । तर अधिवेसन आउन अझै ६-७ महिना बाँकी नै छ , मैले अधिवेसन केन्द्रित भएर सोची हालेको छैन ।  म फिल्डमै छु ।  हेरौं के त्यतिबेला के अवस्था आउँछ ।

 → अहिले तत्काल नियमित बाहेक छुट्टै कुनै परिभाषित जिम्मेवारी छैन तर हामी कम्युनिष्ट क्याडर भएकोले हामी सधै जिम्मेवारी मै हुन्छौं । केन्द्रिय सदस्य आफैमा महत्वपुर्ण जिम्मेवारी हो । विभिन्न क्याम्पस स्तरिय , जिल्ला स्तरिय गतिविधिहरुमा संलग्न छु ।  नयाँ पुस्ता बीच संगठन विस्तारको अभियानमा छु । कमिटि बनाउने र विद्यार्थीको समस्याहरु सम्बन्धित निकायमा लैजाने कामहरु मै व्यस्त छु ।