२०७८ भदौमा एमाले पार्टीबाट राजीनामा दिएर दलविहीन बनेका राष्ट्रिय सभाका सांसद वामदेव गौतम अब माओवादी केन्द्रसँग जोडिने भएका छन्।

मंसिर ४ मा हुने निर्वाचनमा नेकपा (माओवादी केन्द्र)को चुनाव चिन्ह लिएर गौतमले निर्वाचन लड्ने भएका छन्। त्यसका लागि माओवादी केन्द्रको स्थायी कमिटी सदस्यले स्वीकृति दिएको छ।

‘उहाँका केही शर्तहरू छन्। त्यसबारे हामी छलफल गर्छौं। यसबारे गठबन्धनमा पनि छलफल हुन्छ,’ स्थायी कमिटी बैठकपछि माओवादी केन्द्रका प्रवक्ता कृष्णबहादुर महराले भने,‘अब बाबुरामजीसँगै वामदेव गौतमले पनि माओवादी केन्द्रकै चुनाव चिन्हबाट चुनाव लड्नुहुन्छ।’