काठमाडौं । मंगलबार संघीय संसद् अगाडि आत्मदाह गर्ने इलामका प्रेमप्रसाद आचार्यको माग पूरा गर्न दबाब दिँदै सरकारविरुद्ध प्रदर्शन भएको छ । बुधबार आचार्यको २५ बुँदै माग पूरा गर्न माग गर्दै सरकारविरुद्ध विरोध प्रदर्शन भएको छ ।

आत्मदाह गरेका आचार्यलाई न्याय दिनुपर्ने माग गर्दै युवाहरूले सरकारविरुद्ध विभिन्न नाराबाजीसहित विरोध गरेका छन् । ‘यो देश हो कि वधशाला ?, अर्को जल्दो शरीर मेरो नहोस्, उद्यमशील नेपाल नेपाल नारा मात्रै हो ? प्रेमप्रसाद आचार्यको परिवारलाई न्याय दे, देशमै केही गर्छु भन्नु अपराध हो सरकार ? यो आत्महत्या होइन हत्या हो ? ठुला व्यापारी कसको आश्रयमा ? स्व.आचार्यका २५ बुँदे माग पूरा गर्’ लगायतका पम्प्लेट बोकेर विरोध जनाएका छन् ।