फिल्म निर्देशक गोपालचन्द्र लामिछानेले २५ औँ वैवाहिक वर्षगाँठको छेकोमा पत्नी गीतासँग पुनर्विवाह गरेका छन् । अमेरिकाको मेरिल्याण्ड राज्यस्थित बाल्टिमोरको हिन्दूबौद्ध मन्दिरमा उनले शनिबार विवाह गरेका हुन् । छोरी मोनिका र छोरा मौलिकले बाबुआमाको पुनर्विवाह गराइदिएका हुन् । लामिछानेले ‘लम्फु’, ‘बोक्सी’ लगायतका फिल्म निर्देशन गरेका छन् ।

परिवार विघटन र सम्बन्ध विच्छेदजस्ता घटना बढिरहेको बेला लामिछानेको पुनर्विवाहले सकारात्मक सन्देश प्रवाह गर्न खोजेको विवाहमा सहभागी बताउँछन् । ‘१८ वर्ष नपुग्दै अभिभावकको साथ छाड्ने अमेरिकी समाजमा लामिछानेको पुनर्विवाहले सकारात्मक सन्देश फिल्मकर्मी सुमन दाहालले बताए ।